Overview

ବୃତ୍ତି-ରାଜନୀତି, ପ୍ରବୃତ୍ତି-ସାହିତ୍ୟ ଅଭିରୁଚି । ଗୋଟେ ପଟେ କର୍ମର କଠୋର ଅନୁଶାସନ, ଅନ୍ୟପଟେ ଛାତି ଭିତରର ଅକୁହା ସ୍ପନ୍ଦନ । ବୁଝିପାରୁଥିବେ ଗୋଟିଏ ଦେହ-ମନଧାରୀ ମଣିଷଟେ କେତେ ଛଟପଟ ହୁଏ । ଆତ୍ମମୁକ୍ତି ପ୍ରତିଟି ମଣିଷର ଚିରନ୍ତନ ଉଦ୍ଦେଶ୍ୟ ହେଲେ ମଧ୍ୟ ନିଜ କର୍ତ୍ତବ୍ୟ ଓ ଦାୟିତ୍ୱର ଆହ୍ୱାନରେ ଆତ୍ମମୁକ୍ତିର ମାର୍ଗ ସମୟେ ସମୟେ ରୁଦ୍ଧ ହୋଇଯାଏ ନାହିଁ କି? ସାଧାରଣ ମଣିଷର ସବୁତକ ପ୍ରବୃତ୍ତି, ଜଗତର ପ୍ରତ୍ୟେକ ଜୀବନ ପାଇଁ ଛାତିର ପ୍ରେମ, କରୁଣା, ଦୟା ସହ ନିଜକୁ ନିଃଶେଷ କରି ସନ୍ତାପିତ ଜଗତକୁ ଶାନ୍ତ, ବ୍ୟବସ୍ଥିତ ଓ ସୁନ୍ଦର କରିବାର ଇଚ୍ଛା ମୋ ଭିତରେ । ସବୁବେଳେ ଭାବେ ମଣିଷଟେ ଏହି ଧରାତଳୁ ବିଦାୟ ନେଲା ପରେ ତା'ର ଅବଶିଷ୍ଟ ସାରାଂଶ ଭାବେ କ'ଣ ରହେ! ପ୍ରଖର ସ୍ରୋତସ୍ୱିନୀଟେ ଶୁଷ୍କ ହୋଇଗଲେ ତା' ଧାରର ଅବଶେଷରେ କିଛି ଗୋଡ଼ି, ପଥର, ଗେଣ୍ଡା ଓ ଶାମୁକାର ଖୋଳପା ସବୁ ବିପର୍ଯ୍ୟସ୍ତ ହୋଇ ପଡ଼ିଥିବା ଆମେ ଦେଖିଥାଉ । ମଣିଷ ଜୀବନ ମଧ୍ୟ ସେଇଆ । ସେ ଚାଲିଗଲା ପରେ ଏବଂ ସଂସାରରୁ ତା' ପାଦଚିହ୍ନ ଲିଭିଗଲା ପରେ ଯଦି କିଛି ରହିଥାଏ, ତାହା ହୁଏତ ହୃଦୟକୁ ସ୍ପର୍ଶ କରିଥିବା, ମଳୟର ସ୍ମୃତି, ତା' ମିଠା ଶବ୍ଦର ମର୍ମର, ମହତ୍ ଦାନର ସ୍ମାରକୀ, ପ୍ରେମର କିଛି ଓଜନିଆ ଦୀର୍ଘଶ୍ୱାସ, ଅବା ପୁନର୍ଜନ୍ମ ପାଇଁ ସୁଦୀର୍ଘ ଅପେକ୍ଷାର କାହାଣୀ ଅବା ପ୍ରତିମୁହୂର୍ତ୍ତରେ ନଥିବା ମଣିଷକୁ ବିକଳ ହୋଇ ଖୋଜୁଥିବା ମଣିଷଙ୍କ ଉଦାସ ଆଖିର କରୁଣ ଦୃଷ୍ଟି । ଯଦି ସମୟ ସବୁ କ୍ଷତକୁ ଭରିଦିଏ ଏବଂ ସବୁ ଅନୁଭବକୁ ପୋଛିଦିଏ ତେବେ ମୋ ସମୟର ଅନୁଭବ, ମୋ ଛାତିର ଆବୁରୁଜାବୁରୁ କ୍ରିୟାକଳାପ, ମୋ ଏକଲାପଣ ଆଉ ସଂସାର ପାଇଁ ମୋ ଅସୀମ ଆତୁର ପ୍ରୀତିର ସାକ୍ଷୀ କିଏ? ତେଣୁ ମୋ ଶବ୍ଦଙ୍କୁ ସମୟର ଏଇ ରାତି-ଦିନର ଚକ୍ରରେ ମିଳେଇ ଯିବାକୁ ଦେବିନି ବୋଲି ଏ 'ସବ୍ୟସାଚୀର ଶବ୍ଦ'ଙ୍କୁ ଲିପିବଦ୍ଧ କରି ଆପଣମାନଙ୍କ ଆଗରେ ରଖିଯିବାକୁ ଚାହିଁଲି । ଆଶା କରୁଛି ଆଜି, କାଲି କିମ୍ବା ପରବର୍ତ୍ତୀ କୌଣସି ଦିନରେ କେବେ ଆପଣମାନେ ଏ କବିତାକୁ ପଢ଼ିବେ ଏବଂ ବୁଝିପାରିବେ । ଡିସେମ୍ବର ୩୧, ୨୦୨୩ - ଅତନୁ

Full Product Details

9781645605171

Table of Contents

Reviews

Author Information

କବିତା କହିଲେ କିଛି ଆବେଗର ସ୍ୱତଃସ୍ଫୂର୍ତ୍ତ ଉଚ୍ଚାରଣ ହିଁ ତ! କିଛି ଭାବନାତ୍ମକ କ୍ରିୟା-ପ୍ରତିକ୍ରିୟାକୁ ଶବ୍ଦର ପ୍ରଲେପ ଦେଇ ଅଭିବ୍ୟକ୍ତ କରିବାଠୁ ଆଉ ବଡ଼ ସାହସ କ'ଣ ଅବା ହୋଇପାରେ! ସତରେ ନିଜ ଅନ୍ତରର ଉଛୁଳାପଣକୁ ଭାବାନୁସାରୀ ଶବ୍ଦସଂଗ୍ରହ ପରେ ଅଭିବ୍ୟଞ୍ଜିତ କରିବା ଆଦୌ ସହଜ ନୁହେଁ । କବିଟେ ସର୍ବଦା ନିଜ ହୃଦୟକୁ ଅନ୍ୟ ନିକଟରେ ଉନ୍ମୁକ୍ତ କରିଦେବାକୁ ଚାହେଁ । ଏକପାଶ୍ୱର୍ରେ ତା' ଅଭିମାନ ତା' ଆବେଗିକ ଉନ୍ମୁକ୍ତିର ଦ୍ୱାର ରୁଦ୍ଧ କରୁଥାଏ ଅନ୍ୟପ।।୍]ର୍ବରେ ତା' ସମାଜପ୍ରେମ ନିଜକୁ ବ୍ୟକ୍ତ କରିବାକୁ ତାକୁ ପ୍ରୋତ୍ସାହିତ କରୁଥାଏ । ଅତନୁ ସବ୍ୟସାଚୀ ନାୟକ ଓଡ଼ିଶାର ରାଜନୀତିକ ପ୍ରେକ୍ଷାପଟ୍ଟର ଜଣେ ତୁଙ୍ଗ ରାଜନେତା । ରାଜନୀତି ଏବଂ ସାହିତ୍ୟର ଦ୍ୱିବିଧ ତୀର ସନ୍ଧାନରେ ନିଜର ସବ୍ୟସାଚୀତ୍ୱକୁ ସିଦ୍ଧ କରିଥିବା ଜଣେ ଅମାୟିକ ଲେଖକ । ଓଡ଼ିଶା ରାଜନୀତିରେ ପ୍ରବେଶ ପୂର୍ବରୁ ବିଭିନ୍ନ ଖବରକାଗଜରେ ପ୍ରକାଶିତ ତାଙ୍କର ଅସଂଖ୍ୟ ସ୍ତମ୍ଭ ତାଙ୍କୁ ଜଣେ ବିଶିଷ୍ଟ ସ୍ତମ୍ଭକାରର ମାନ୍ୟତା ଦେଇସାରିଥିଲା । 'ସବ୍ୟସାଚୀର ଶବ୍ଦ' ଅତନୁ ସବ୍ୟସାଚୀଙ୍କ ଆବେଗ ଓ ଭାବନାର ଏକ ଅଭିନବ କାବ୍ୟିକ ସାରସ୍ୱତ ରୂପ । 'ସବ୍ୟସାଚୀର ଶବ୍ଦ' ଶ୍ରୀ ନାୟକଙ୍କ ଭାବଜଗତରୁ ଉତ୍ସାରିତ ଆବେଗପୂର୍ଣ୍ଣ ଶବ୍ଦର ସମ୍ଭାର । ଅକପଟ-ସରଳ ଶବ୍ଦବିନ୍ୟାସ ମଧ୍ୟଦେଇ ଜଣେ ଭାବପ୍ରବଣ ମଣିଷର ହୃଦୟାବେଗ କିପରି ସୁନ୍ଦର ଭାବରେ ଅଭିବ୍ୟକ୍ତ ହୋଇଛି ତାହାହିଁ 'ସବ୍ୟସାଚୀର ଶବ୍ଦ'ର ଅନ୍ତଃସ୍ୱର । 'ଭାବପ୍ରବଣତା' ଜଣେ ସାହିତ୍ୟିକର ମୁଖ୍ୟ ଉଦ୍ଦୀପନ ବିଭାବ । ଏହାର ଅଭାବରେ ଲେଖିବା ସମ୍ଭବ ନୁହେଁ । ଶ୍ରୀ ଅତନୁ ସବ୍ୟସାଚୀ ନାୟକ ଯେ ଜଣେ ଆବେଗପ୍ରବଣ କବି ତାହା ତାଙ୍କର କବିତାଗୁଡ଼ିକରୁ ସ୍ପଷ୍ଟ ଜଣାପଡ଼େ ।

Tab Content 6

Customer Reviews

Recent Reviews

Countries Available