Overview

"""Kambanat e së dielës"" është një përmbledhje prej katër tregimesh të gjata, të ndarë secili në katër rrëfenja të tjera. Tregimet i lidh i njëjti personazh që rrëfen, në katër herë katër, kohë dhe ngjarje të ndryshme. Personazhi kryesor i tregimeve është një femër që tregon në vetën e parë dhe rrjedha e ngjarjeve të përshkruara prej saj merr trajtat e një ditari intim, por gjithmonë në të katërt rrëfenjat i pranëvendoset elementi i kundërt mashkullor; shpesh herë jo i pranishëm si personazh konkret, por asnjëherë i munguar, i cili i shërben në një lojë ballafaqimi të pashmangshëm. Personazhet e tregimeve shërbejnë për të shfaqur marrëdhëniet e ndërlikuara të shtetit me fenë në periudhën e diktaturës në Shqipëri, si edhe atë të kaosit të pakuptueshëm të post-diktaturës. Ngjarjet i shërbejnë kujtesës edhe përmes shtrirjes së rrëfimit në linjën dashurore. Tregimi i fundit, ""Muri i Berlinit dhe mure që s'kanë rëne"" stilizon temën e marrëdhënieve multikulturore, si pjesë e pashmangshme e realitetit të sotëm për shqiptarët, pas lirive të fituara nga izolimi i gjatë gjysmëshekullor."

Full Product Details

9789928324122

Table of Contents

Reviews

Author Information

"Anna Kove është poete, shkrimtare dhe përkthyese e letërsisë gjermane në shqip. Lindi në Pogradec, më 25 prill 1968 dhe banon në Tiranë. Është autore e librave: ""Shën Valentin ku ishe"", ""Djegë Ujërash"", ""Nimfa e pemës së humbur"" dhe ""Kambanat e së dielës"". Është nderuar shpesh edhe me çmime letrare dhe kritika e quan një nga penat e talentuara të prozës së shkurtër bashkëkohore shqipe. Kontributi i saj letrar është i pandarë nga ai i përkthimit të letërsisë gjermane. Kove ka sjellë në shqip emra të mëdhenj, si Paul Celan me ""Lulekuqja dhe kujtimi"", nobelisten Herta Mueller me ""Kafsha e zemrës"" dhe ""A ke shami?"", Clemens Meyer me ""Nata, dritat"", Ilse Aichinger me romanin ""Shpresa më e madhe"", poeten Rose Ausländer me ""Unë ende luaj"", romancierin Daniel Kehlman, me romanin e tij historik ""Tyll"", Antologjinë ""Mjeshtër të prozës së shkurtër gjermane"", si edhe shumë cilke poetike dhe tregime te autorëve S. Kirsch, M. L. Kaschnitz, B. Brecht, I. Bachman, N. Sachs etj. në shtypin letrar të kohës."

Tab Content 6

Customer Reviews

Recent Reviews

Countries Available