Overview

A collection of the reminiscences of friends and acquaintances of Ieu Rhos (Ieuan Roberts, 1949-2016), a unique character and Welsh language campaiger.

Full Product Details

9781845276331

Table of Contents

Reviews

Rwyn cofio ir Parchedig Idwal Jones, Llanrwst, grybwyll yn un oi bregethau cyrddau mawr mai testun chwerthin oedd dyn bach mewn siwt rhy fawr. Aeth ymlaen i ymhelaethu fod digonedd o esiamplau iw cael yn y Gymru a oedd ohoni yn llenwi swyddi pwysig a oedd ymhell tu hwnt iw cyraeddiadau. Nododd, ar y llaw arall, mai testun tristwch oedd gweld dyn mawr mewn siwt rhy fach iddo, a chyfeiriodd at nifer o chwarelwyr a glowyr diwylliedig a gollodd eu cyfle i wneud cyfiawnder u doniau am na chawsant gyfle i barhau u haddysg.Perthyn ir ail garfan a wni Ieu Rhos, gwrthrych y gyfrol hon, ond go brin y byddai'n cyfrif ei hunan yn destun tristwch. Enillodd radd mewn Hanes yng Ngholeg Prifysgol Abertawe, er gwaethar ffaith iddo orfod sefyll ei arholiadau terfynol yn y carchar oherwydd ei weithgaredd gyda Chymdeithas yr Iaith. Ei ddewis ef oedd dychwelyd wedyn i dreulioi oes yn yrrwr bws ymhlith ei bobl ei hunan. Ni fynnai wisgo siwt parchusrwydd y dosbarth canol nac ychwaith droi cefn ar Gymreictod a Sosialaeth gynnes ei fro enedigol yn Rhosllannerchrugog. Gwyddai mai yno roedd ei le yn sefydlu Nene, y papur bro lleol, a chlwb rygbir pentre ac yn cefnogi holl ddigwyddiadau Cymraeg yr ardal, gwta ddeng milltir or ffin Lloegr.Yr oedd y brogarwch hwn yn sail gadarn iw genedlaetholdeb. Brwydrain ddygn dros y Gymraeg a bun aelod gweithredol o Gymdeithas yr Iaith ac yn Ysgrifennydd ir mudiad am gyfnod. Ymhyfrydai mewn hanes lleol a byddai wrth ei fodd yn tyrchu drwy ddogfennau. Go brin hefyd iddo golli Eisteddfod Genedlaethol dros gyfnod o hanner canrif. Maen arwyddocaol i gynifer o gyfranwyr y gyfrol hon nodi mai yn Eisteddfod y Fenni 2016 y bur cyfarfod olaf, rhyw wythnos cyn ei farwolaeth sydyn. Yr oedd yn ei hwyliau yno, er i Arthur Thomas nodi fod yna wich ychwanegol ir peswch sigarts, ac i Dafydd Iwan sylwi ei fod fymryn yn llai ymosodol nag arfer.Golygwyd y gyfrol gan Arthur Thomas, un oi gyfeillion pennaf, ac maen cynnwys teyrngedau gan nifer oi ffrindiau, ynghyd detholiad o lythyrau ac o ddyddiadur syn deillio oi gyfnod yng ngharchar Abertawe. Ni ddeuthum, mor bell ag y gwn, ar draws Ieu Rhos erioed ond o ddarllen y gyfrol ni allaf lai na chynhesu at y Cymro hwn a fu mor driw iw egwyddorion. Os oedd yn arw ei air yr oedd yn hael ei galon.Idris ReynoldsGellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatd Cyngor Llyfrau Cymru. It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council. -- Cyngor Llyfrau Cymru

Author Information

Tab Content 6

Customer Reviews

Recent Reviews

Countries Available