Overview

They say that rural characters are becoming a scarcity, but a few remain and this book tells the story of one of them. He is a man who enjoys being involved in all aspects of local culture and community, an accomplished craftsman, a talented dry-stone-waller and hedge layer, with a keen interest in antique furniture and old machinery.

Full Product Details

9781847716699

Table of Contents

Reviews

Un o'r llyfrau hynny nad oes angen adolygiad ffurfiol arno i sicrhau gwerthiant da yw Moch Bach mewn Basged Ddillad. Bydd poblogrwydd yr awdur fel adroddwr, perfformiwr a chymwynaswr yn sicrhau llwyddiant y gyfrol hon. Rhaid dweud i mi gael blas rhyfeddol ar y cofiant hwn. O'i eni yn 1939 yn un o chwech o blant, fe gafodd yr awdur gyfle i weld a'i lygaid ei hun y newidiadau mawr wrth i'r gymdeithas newid ac wrth i'r ceffyl gael ei ddisodli gan y tractor ac wrth i beiriannau gymryd lle y gweision ffermydd. Mae'n cofnodi'n ofalus hen arferion fel diwrnod cneifio, diwrnod dyrnu a diwrnod lladd mochyn. Sonia am gorddi, gwneud menyn a chario dwr o'r ffynnon, heb son am hynt a helynt y cynhaeaf gwair. Byd y capel yw hwn lle disgwylir i'r plant ddysgu adnodau ar gyfer gwasanaethau'r Sul a'r seiat. Dilynwn ei hanes yn was ffarm, tenant a beiliff cyn mynd i weithio mewn cartref preswyl, a chan ei fod yn dod o ardal Llangwm yr ydym bob amser yn ymdeimlo a phresenoldeb Jac Glan-y-gors a Merthyron y Degwm. Enillodd Aeryn Wobr Goffa Llwyd o'r Bryn yn Eisteddfod Genedlaethol Caerdydd 2008 ac fe neilltuir rhan dda o'r llyfr i drafod ei ran mewn eisteddfodau a chyngherddau. Mae hyn yn werthfawr gan fod y traddodiad eisteddfodol yn ei chadarnleoedd gwledig yn wynebu cryn her ar hyn o bryd. Cwbl gymwys, rywsut, yw'r sylw mai mewn eisteddfod y cyfarfu ef a'i wraig! Mae ganddo ddiddordebau eraill, wrth gwrs -- snwcer yn un ohonynt. Ond yr hyn sy'n rhoi blas arbennig ar y gyfrol yw'r adrannau sy'n ymwneud a chodi waliau, plygu gwrych a chasglu hen bethau (mae gennyf frawd yng nghyfraith sy'n dioddef yn ddrwg iawn o'r clefyd olaf hwn!). Bu Robin Gwyndaf, brawd yr awdur, yn gweithio yn yr Amgueddfa Werin. Siawns nad yw yntau wrth ei fodd gyda'r llyfr hwn gan fod yma gofnod gwerthfawr o fywyd ac arferion cefn gwlad. Yn wir, mae yna ambell stori reit ddoniol am Robin Gwyndaf ei hun. Mae'n gyfrol lawn hiwmor a'm hunig feirniadaeth yw na fyddai damed yn hwy. Dafydd Morgan Lewis Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatad Cyngor Llyfrau Cymru. It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council. -- Cyngor Llyfrau Cymru

Author Information

Tab Content 6

Customer Reviews

Recent Reviews

Countries Available